Den 13. Februar 2026 haten eis Schülerinnen a Schüler d’Geleeënheet, am Festsall vum LGE un enger informativer Presentatioun vun „Meng Studien“ vum Ministère de la Recherche et de l’Enseignement supérieur (MESR) deelzehuelen.
Am Kader vun dëser Presentatioun kruten déi Jugendlech wäertvoll Informatiounen iwwert d’Studieméiglechkeeten zu Lëtzebuerg an am Ausland. Verschidde Studieweeër, Aschreiwungsprozeduren a praktesch Tipps fir d’Orientéierung no der Schoul goufen op eng verständlech an interessant Aart a Weis virgestallt.
D’Veranstaltung war fir vill Schülerinnen a Schüler eng wäertvoll Hëllef bei hirer Zukunftsplanung an huet et hinnen erlaabt, sech méi geziilt mat hirem weidere Bildungswee auserneenzesetzen.
