Cours préparatoires au LGE

Zënter der Rentrée 2022/23 bitt den LGE nieft deem pedagogeschen Encadrement op 7e a 6e elo och fächerspezifesch Preparatiounscourse fir d’Schüler aus dem Cycle 4.2 am Fondamental un. Am Fokus stinn hei déi leeschtungsstaark Schüler, déi duerch eng geziilt Fërderung op d’Kompetenzberäicher am ESC (Enseignement secondaire classique) virbereet solle ginn. D‘Zil vun de Coursen ass et also, dass den Iwwergank tëscht dem Fondamental an dem Secondaire fir d‘Schüler aus dem Cycle 4.2 vereinfacht gëtt, andeems si vun enger inhaltlecher Virbereedung op d’Lycées-Course profitéiere kënnen.


Dës Course si gratis a fannen am Zäitraum tëscht November a Mäerz ëmmer dënschdes an donneschdes mëttes vu 14:40 bis 16:10 am LGE statt. D’Inhalter vun de Course sinn esou ausgeluecht, dass déi zukünfteg Lycées-Schüler op déi dräi Haaptfächer op 7C, nämlech Däitsch, Franséisch a Mathematik, virbereet ginn.


Cours préparatoires LGE – drëtt Phas

Am Zäitraum no der Fuesvakanz bidde mir fir all déi interesséiert Schüler, déi schonn un de Coursen an der éischter an/oder der zweeter Phas deelgeholl hunn, eng drëtt a lescht Phas vu 4 Wochen un.

D’Eltere sinn am Virfeld per Mail kontaktéiert ginn a kënnen d’Umeldung vun hirem Meedchen/Bouf bis spéitstens den 13. Februar iwwert de Formulaire hei ënnendrënner confirméieren.

D’Course vun der drëtter Phas starten den 20. resp. 22. Februar 2024 a wäerten nees dënschdes oder donneschdes ofgehale ginn.


 

La phase d'inscription est terminée.


dernière mise à jour : 02.02.2024